Xoş gəldiniz

Adı qədər özü də cənnəti xatırladan bu istirahət mərkəzi ”Şəki-Oğuz” şossesinin kənarında yerləşir. Bu gözəl guşə hər tərəfdən yaşıllıqla əhatə olunmuşdur. Dörd böyük hovuzun ətrafına əkilmiş xan çinarları və xarici ölkələrdən gətirilmiş iriyarpaq nadir ağaclar burada istirahət edən qonaqların qəlbinə əlavə sərinlik gətirir. Hündür dağların ətəyində yerləşən cənnət bağının Şəki torpağına istirahətə gələn qonaqların nəzərindən qaçması qeyri-mümkündür. Dekorativ və çimərlik hovuzları fontan və daimi yenilənən şəffaf su ilə təmin edilmişdir. Hər bir istirahət evi ayrı ayrılıqda avrostandartlara uyğun olaraq ailələrin tələbatını təmin edə biləcək bütün ləvazimatlarla təhçiz edilmişdir. Otaqlarda sərinləşdiricilər, sputnik telekanalların yayımı, təmiz yataq dəstləri, duş fəaliyyət göstərir. Burada yaradılan yüksək xidmət sizi çox məmnun edəcəkdir.